23.失落堡壘 (第9/16页)

瞟他一眼，不徐不疾道：「立花，你响对江把炮，係咪想三分顏色上大红，伸隻脚过九龙揽老衬？」

    「挑那妈，过江都係客！估自己係乜捻坚料，圪我兄弟？」太子勃然大怒，习武人的雄浑嘭声拍挞乌鸦胸口肌块。

    「唔使咁庆嘅，我嚟带条女去食宵夜啫...表演就表演完喇，太子哥唔会係唔满意，想加佢鐘啩？」

    「哼，佢发台瘟，吓走晒D客仲郁伤几个孙，你係管唔掂嘅就我嚟帮你管。」省略话语空隙，柯打霹靂突袭：「火柴！飘忽！围起佢！」

    近身急先锋阪上走丸，两道残影飞向阿羽，大天二，阿Sam不甘落后，并驾齐驱一霎赶至，拢共5人扇形站位，挡成坚实的隔离屏障。

    与此同时，Ruger扳机保险针清脆滑轨，黑洞洞枪口直指太子。

    双边马仔的sao乱重又此起彼伏，殴斗前惯例咒爹辱妈，有些甚而揎腕挤搡，屠宰场一群疯癲牲畜，你死我活的热闹。

    程度到此为止，下山虎手持兇戈万夫莫开，谁敢拿揸fit人性命寻刺激。

    僵化淤滞，互有掣肘。

    「话管教，讲嘢呀？你D细掛住你牌头一日到黑踩过界我都忍咗好耐，佛都有火啦，边个啱定错留番拜山先，唔想死手足嘅就各自放人。」

    「呢度老尖，你估油麻地啊，凭咩响我面前攞人？我本环陀地，熔Q咗你班二打六都未出到门呀冚家剷！」

    「将我军？我真係好想睇下你畀fe到蜜蜂竇咁穿晒窿会係咩样。」

    「开枪吖笨，莫薑灼低我哋，呢舖一于吹晒鸡捽捻庆你，顺便收你油麻地成条拉。」他由始至终刻意忽略的陈浩南篤定朝右歪了歪颈，通道冚密堵实，